[RRybak]

Znalezione na fejsie ( ͡° ͜ʖ ͡°)

Rōmbŏł gōrnik klocek, rōmbŏł go pod ścianōm
I przi tym rōmbaniu ciulnōł sie w kolano
Że go zaskoczōło to nŏgłe zdarzynie,
Na wcześniejszy wyjŏzd dostŏł pozwolynie.
Poszoł se przekopym, jak mamlas, po szynach,
A tu na zakryncie - dup w niego maszyna.
Kieby sie ôbejrzŏł za siebie do zadku.
To by bōł uniknōł przikrego wypadku.
Stanył i nadepnył na kulok urżniynty
I gwōźdź zarōściały wlŏz mu aż do piynty.
Musiŏł borŏk siednońć na ôkorkōw kupie,
Zarŏz poczuł drzizga w swojyj chudyj dupie.
Gōrnik aże skoczōł, hełm mu śleciŏł z gowy
I ciulnōł tōm gowōm w ring ôd ôbudowy.
Buła mu wylazła na postrzodku glacy,
Straciył rōwnowaga i ciulnōł na cacy.
Jak leciŏł na plecy, chyciōł za kolejka
Palec mu prziczasła jakoś, #!$%@?, belka.
Chyciōł za betōnik, kiery wisiŏł z kraja,
Betonik wyleciŏł, i dostŏł w nim w jaja,
Drōty co tyczały, wlazły mu do miecha.
Trza mieć, #!$%@? noga, pierōńskiego pecha!
Jeszcze zdōnżōł chycić jakŏś deska z tyłu,
Pōłka go prziczasła i ćwierć tōny pyłu.
Gŏdajōm, wypadki, niy chodzōm pŏrami.
Jak to jest naprŏwda, słyszeliście sami.
Tak jest niebezpiecznŏ robota gōrnika!
Niy rōb nic na dole- unikniesz ryzyka

#slaskagodka #slask #katowice #gornyslask